Hafrannsóknastofnun hefur sent frá sér fréttatilkynningu um niðurstöður úr stofnmælingu botnfiska sem gerð var í október sl. Rannsóknarsvæðið miðaðist við landgrunnið allt niður á 1500 m dýpi og er skipt í grunn- og djúpslóð.

Í tilkynningunni kemur fram að stofnvísitala þorsks er nú lægri en hún var 2004, eftir að hafa aukist jafnt og þétt frá 2001. Það „er í samræmi við spár þar sem árgangurinn frá 2001, sem mældist mjög lélegur, er að koma inn í veiðina.“
„Lengdardreifing þorsksins gefur til kynna að árgangurinn frá 2005 sé lélegur, en mælist hann þó stærri en árgangurinn 2004.“ „Mest fékkst af þorski út af Norður- og Austurlandi líkt og undanfarin tvö ár.“
Miðað við mælingar 2004 jókst meðalþyngd á 5-10 ára þorski en lækkaði lítillega á 2-4 ára. Þá sýndu fæðuathuganir að heildarfæðumagn í þorskmögum er með því minnsta síðan mælingar hófust. „Mest var af loðnu í þorskmögum út af Vestfjörðum.“

Um ýsuna er það að segja að lengdardreifing bendir til að árgangurinn 2005 sé stór, en þó ekki eins stór og árgangarnir frá 4-20-2002.

Lokaorð fréttatilkynningarinnar eru eftirfarandi: „Niðurstöður mælingarinnar sem hér eru kynntar til bráðabirgða, eru mikilvægur þáttur árlegrar úttektar Hafrannsóknastofnarinnar á ástandi nytjastofna við landið sem lýkur í maí n.k. Stofnmælingin í ár gefur svipaða mynd og stofnmælingin 2004 hvað varðar magn og útbreiðslu flestra nytjastofna og staðfestir þær breytingar sem haf sést á undanförnum árum.“

Sjá nánar: http://www.hafro.is/undir.php?ID=19&nanar=1REF=3&fID=1978